موضوع اليوم هو القولون العصبي ..

السلام عليكم ورحمة الله وبركاته خوكوم موسى لشهب هاذ المرة تكلم معاكوم بالدارجة المغربية على مشاكل المصران وعدابو بقاو معنا ومتنساوناش من الدعاء ديالكوم .

موضوع اليوم هو القولون العصبي ..

بزاف كايعانيو منو وحتى لي ماكايعانيش كايسمع بيه بزاف .. اليوم جاتك الفرصة تعرف عليه وتولي انسان واعي ..

قبل مانبداو شنو هو القولون بعدا ؟

القولون هو دوك الامعاء الغليظة لي فالصورة لي كاتدخل ضمن الجهاز الهضمي ديالنا وكاتلعب دور كايتمثل في صناعة البراز ( أعزكم الله) يعني كايخبي الفضلات لي في حالة ماخرجاتش فوقتها كايوقعو مشاكل كبيرة..

ولكن علاش كانقولو ليه قولون عصبي ؟

حيت القولون فيه أعصاب وهادشي عند الجميع لهذا كانقولو بالدارجة ديالنا راه عندنا الأعصاب فالمصارن وهادشي عادي وضروري حيت كاينة واحد العلاقة ضرورية بين الدماغ والامعاء بواسطة عصب رئيسي .

منين كانسمعو راه شي شخص عندو القولون العصبي راه ماكانقصدوش المصطلح كيفما هو حيت كاملين عندنا قولون وفين اعصاب وانما كانقصدو كاين خلل فالقولون وفالوظيفة ديالو

القولون العصبي راه ماشي مرض ولكن متلازماته ومنين تسمعو بكلمة متلازمة هذا كايعني انه ماشي سبب واحد لي مسببها وماكاينش دواء واحد فعال فحال الامراض الاخرى وإنما الحل ديال المتلازمة كايتمثل في مجموعة من الحوايج خاصهوم يدارو مجموعين باش ينقصو من حدة القولون العصبي ..

الناس لي كايعانيو من القولون العصبي راه كايبولو بزاف بحكم الضغط لي كاين على المثانة ديالهوم وعندهوم مشاكل فالتنفس والوجع على مستوى الرقبة وغازات والاسهال والامساك ومشاكل أخرى ..

الأسباب كثيرة ومرتبطة بالاساس بالأغذية بشكل رئيسي والتوتر والضغوط النفسية بشكل ثانوي ..

افضل غذاء للقولون هو السمن البلدي والشريحة والبرقوق اليابس..ووو قليل لي كاياكل هاذ الشي وياللأسف .. ولكن لي بغى الجهاز الهضمي ديال. بشكل عام يكون مزيان عليكوم بالخبز بالخميرة البلدية وداكشي اللي قلنالكوم وكولو فشي بلايص هادئة وبشويا ماشي بالزربة ونقصو من السكر المصنع والحلويات والمشروبات الغازية والمقليات والمعلبات قدر المستطاع ونقصو التوتر قدر الإمكان ..

دمتم سالمين والله يشافي الجميع .. وماتنساوش ترجعوا لتقليدنا القديمة فالطبخ والعيش كان معاكوم خوكوم موسى لشهب 0663774282